OH

Mimis-mimis lonjong tambah lonjong

Nalikané nembusi dhadha-dhadha suci

Tangising bayi kadya udan

Gawé trenyuhing ati

Banjur kapan sira bakal trentrem?

Élinga!

Tangia saka gebyaring dosa

Kang peteng ndhedhet

Lan agawé sangsara

Sawangen

Winihing gandum

Sumbering banyu

Kang kumudu-kudu tuwuh lan lumubèr

Dadi asat lan mati

Jalaran saka dayaning murkanira

Larantuka, 17 Oktober 1992

Antonny Gersang