KASMARAN

Déning: Antonius ‘Gersang’ Pujianto

Sun hanggurit

Guriting nala kang lagya rinujit

Lungsed kasesep ing sepi-sepining wingit

Sun hanembang

Tembanging pikir kang lagi ngambang

Ngambara ing awang-awang mokal sinawang

Dhuh Jawata Gung

Mugi karsaa paring pitulung

Mring manah ingkang nembé kaltikung ing wuyung

Tinedahna margi kang sayektos

Murih tan nalisir sedyaning batos

Kamus:

Sun                                : aku

Gurit/geguritan             : puisi

Nala/manah                  : ati

Lagya                            : lagi

Rinujit                           : disuwir-suwir

Lungsed                        : kumel, ’lecek’

Wingit                           : angker, mawa prabawa

Ngambara                     : ’mengembara’

Mokal                            : ’tidak mungkin’

Katlikung                      : ’terjerat’, kapilut, kapikut

Tinedahna                     : ’tunjukkanlah’

Margi                            : dalan

Sayektos                        : sayekti, ’sebenarnya’

Murih                            : supaya

Tan/datan                     : ora

Nalisir                           : ménggok, metu saka dalan kang satemené

Sedya                           : karep, krenteg

Daftar Pustaka :

Tim Penyusun Balai Bahasa Yogyakarta. 2006. Kamus Basa Jawa (Bausastra Jawa). Yogyakarta:Kanisius.

Harjawiyana dan Supriya. 2007. Kamus Unggah-ungguh Basa Jawa. Yogyakarta:Kanisius.